Month: September 2018

ដូចប្រិយមិត្តបានដឹងហើយថា ក្រោយពីជីវិត ម្ចាស់បទ F4 “មិនស្រលាញ់អូនមិនបាន” គឺលោក ចាន់ សម័យ ជួបការលំបាក និងជីវភាពរស់នៅ បួករួមទាំងមានជំងឺប្រចាំកាយទៀតនោះ បានធ្វើឲ្យលោកព្រៀបដូចជាមនុស្សម្នាក់ មិនចង់ដឹងលឺនៅរឿងអ្វីទាំងអស់។ តែក្រោយពេលដែលថ្នាក់ដឹងនាំ មិត្តសិល្បៈជាច្រើន ព្រមទាំងសប្បុរជន បានរួមគ្នាជួយឧបត្ថម រហូតលោក ចាន់ សម័យ អាចក្រោកចេញពីជីវភាពក្រលំបាក ហើយមានលិទ្ធភាព​ព្យាបាលជំងឺ និងបន្តការងារសិល្បៈបានដូចកាលពីមុនទៀត។ ដោយឡែក កាលពីពេលថ្មីៗនេះ លោក ចាន់ សម័យ ក្រៅពីមមាញឹកនឹងការងារសិល្បៈ លោកក៏បន្ថែមមុខរបរមួយទៀត ដើម្បីបង្កើនចំនូលចិញ្ចឹមគ្រួសារ ដោយក្នុងនោះគឺ លោក ពេលនេះបានប្រលូកក្នុងរបរលក់សម្លៀកបំពាក់កីឡា សម្រាប់តម្រូវការមនុស្សដែលស្រលាញ់ និងចូលចិត្តលេងកីឡានាៗ។ ជាក់ស្តែង បន្ទាប់ពីបង្កើនមុខរបរ និងព្យាបាលជំងឺ នៅពេលនេះក្រោយមានសុខភាពល្អប្រសើរបន្តិចហើយ…

បរទេស៖ បន្ទាប់ពីបញ្ចប់នៃកម្មវិធីទូរទស្សន៍លំដាប់ថ្នាក់ពិភពលោក Myanmar’s Got Talent 2018 រួចមក គេបានរកឃើញក្រុមអ្នកឈ្នះ ដែលមានឈ្មោះថា ក្រុម Junior Creative ។ ក្រុម Junior Creative បានធ្វើជាទស្សនីយភាពស្រមោលមួយ ដែលជាខ្សែរឿងបង្ហាញពីជីវិតក្មេងស្រីម្នាក់ទទួលរងនូវឥទ្ធិពលមិនល្អយ៉ាងច្រើន បន្ទាប់ពីរូបនាងត្រូវបានគេរំលោភបំពានផ្លូវភេទ ។ ជាមួយគ្នានេះ គេបានឃើញការសម្ដែងដ៏អស្ចារ្យរបស់សមាជិកក្រុមម្នាក់ៗ រហូតដល់ធ្វើឱ្យគណៈកម្មការទ្រាំទប់ទឹកភ្នែកមិនបាន ។ ហេតុដែលនាំឱ្យក្រុមទាំងមូលក្លាយជាម្ចាស់ពាន Myanmar’s Got Talent 2018 គឺដោយសារតែសមត្ថភាពច្នៃប្រឌិតដ៏អស្ចារ្យ របស់ពួកគេ ព្រមទាំងការសម្ដែងបង្កបនូវអត្ថន័យដ៏ជ្រាលជ្រៅបំផុត ៕

កាលពីពេលថ្មីៗនេះមានការភ្ញាក់ផ្អើលជាខ្លាំងក្រោយពីបានឃើញយុវជន២រូប ដែលបានតុបតែងខ្លួនគ្រងនូវឈុតយក្ស និងស្វា នៅក្នុងទម្រង់សិល្បៈល្ខោនខោល ជិះស៊ីក្លូ និងដើរផ្សព្វផ្សាយល្ខោនខោលស្ទើរតែជុំវិញទីក្រុងភ្នំពេញ។ យ៉ាងណាមិញយុវជន២រូបដែលបានគ្រងនូវឈុតយក្ស និងស្វា នេះការពិតគឺជាលោក តាន់ គឹមសួរ និងឌីជេអាចារ្យធំ ដែលបានផ្សព្វផ្សាយនូវល្ខោនខោលដើម្បីឲ្យពលរដ្ឋខ្មែរទាំងឡាយកុំបំភ្លេចនូវសិល្បៈបុរាណមួយនេះ។ ក្រោយពីបានថត និងកាត់តរួចរាល់ នៅទីបំផុតថ្ងៃនេះ លោក តាន់ គឹមសួរ បានបង្ហោះនូវវីដេអូទាំងមូលដែលមានអត្ថន័យជាខ្លាំង។ ដោយលោក តាន់ គឹមសួរ បានសរសេររៀបរាប់ថា៖ “តាមពិតទៅ UNESCO បានសម្រេចដាក់ល្ខោនខោលខ្មែរយើងចូលជាបេតិភណ្ឌពិភពលោករួចបាត់ទៅហើយ ពួកយើងគ្រាន់តែឆ្លៀតយកឪកាសល្អនេះដើម្បីបំផុសបន្ថែមឲ្យកូនខ្មែរយើងចេះឲ្យតម្លៃនិងស្តាយស្រណោះចំពោះសម្បត្តិដូនតាដែលបន្សល់ទុកឲ្យតែប៉ុណ្ណោះ។ ខុសទាស់យ៉ាងណាអាចដាក់ទោសខ្ញុំ Tan Kimsour ជាអ្នកផ្តើមគំនិត និង អាចារ្យធំ នគររាជ បានទៅតាមផ្លូវច្បាប់ពីបទប្រមាថមើលងាយវប្បធម៌ខ្មែរ ពួកយើងនឹងចូលខ្លួនដើម្បីប្រឈមមុខជាមួយច្បាប់ដោយក្តីពេញចិត្ត អ្នកផ្សេងគឺគ្មានការពាក់ព័ន្ធដាច់ខាត”៕

តារាចម្រៀងគូស្នេហ៍ផ្អែមល្ហែម លោក G-devith និងកញ្ញា ទេព បូព្រឹក្ស ទទួលបានការចាប់អារម្មណ៍ខ្លាំងក្នុងបណ្ដាញសង្គម ជាពិសេសក្នុងស្រទាប់យុវវ័យ។ ក្រោយប្រកាសនូវចំណងស្នេហ៍របស់ខ្លួនជាសាធារណៈរួចមក រហូតមកដល់ពេលនេះគឺឈានចូលអស់ពេល ២ឆ្នាំហើយ ហើយតារាទាំង ២ដួងនេះក៏បានធ្វើពិធីជប់លៀងគម្រប់ខួបស្នេហ៍ ២ឆ្នាំផងដែរ។​ ក្នុងនោះមិនត្រឹមតែធ្វើពិធីទេ តែលោក G-devith ថែមទាំងបានជូនកាដូខ្សែដៃមាសទំហំធំដល់គូស្នេហ៍ទៀតផង។ ជាក់ស្ដែង តាមរយៈការស៊ែររបស់លោក បានបង្ហាញនូវខ្សែដៃមាសទាំងតម្លឹង ដាំត្បូងភ្លឺចិញ្ចាច រួមទាំងមានដាក់ឈ្មោះអ្នកទាំង ២ យ៉ាងស្រស់ស្អាត ធ្វើឲ្យអ្នកគាំទ្រភ្ញាក់ផ្អើល និងរំភើបជំនួសមិនតិចទេ៕

ភ្នំពេញ ៖ ខណៈដំណឹងសាងស្នេហ៍តារាចម្រៀងស្រីមានប្រជាប្រិយ សុខ ពិសី និងថៅកែ​ក្មេ​ង​សាន់ដេលេ​ចឮ​ល្ហៀងៗ​ថាកាន់តែផ្អែមប្រៀបបានស្ករនោះ ធ្វើឲ្យបណ្តាអ្នក​គាំទ្រ​ជា​ច្រើន​​សម្តែងក្តីរំភើប​ជំនួសដ្បិតតារា​ចម្រៀង​ស្រីផ្សេងៗ​រួមមាន ឱក សុគន្ធកញ្ញា និង មាស សុខសោភា សុទ្ធតែបាន​បង្ហាញមុខ​គូស្នេហ៍អស់ទៅហើយ​នៅ​ឡើយតែតារាស្រីសាច់ស​រូបនេះ​ប៉ុណ្ណោះ។ រំពេចលេចដំណឹងមានស្នេហ៍ស្រាប់តែគេឃើញតារាស្រីសម្លេងស្រទន់ សុខ ពិសី ហាក់​ចាប់​ផ្តើមចេះ​ស្រលាញ់​ក្មេងដោយនាងបានរត់ទៅឱបប្រលែងក្មេងៗថែមទៀតផង។ ជាក់​ស្តែងនៅថ្ងៃនេះ​ក្នុងរូបភាព​ញញឹមស្រស់​គ្មាន​ទុក្ខព្រួយនៅដៃមានក្មេងប្រុសគួរស្រលាញ់ សុខ ពិសី ក៏បានថ្លែងសារខ្លីថា «ថតជាមួយកូនជ្រូកអវកាស ប៉ូលីន មិន​ងាយ​បានថត​ជាមួយ​កូន​ជប៉ុនទេ មីងចង់តែខាំថ្ពាល់ក្មួយទេ»។ ភ្លាមៗដោយឃើញអាយ​ដលរបស់​ខ្លួន​បាន​ពរក្មេងយ៉ាងស្និទ្ធដូចនេះអ្នកគាំទ្រម្នាក់បានខមិនភ្លែតថា «បើបងស្រលាញ់​ជូនពរ​អោយបងបានដូចបំណង»។

ភ្នំពេញ៖ ទោះជាមានការរិះគន់ ពីបណ្តាអ្នកគាំទ្រជាច្រើនយ៉ាងណាក្តី ក៏អតីតតារាសម្តែងស្រីអ្នកនាង សុខ ស្រីម៉ុច ហៅជីដូន កាកី ហាក់ដូចជាមិនខ្វល់ខ្វាយពីរឿងទាំងអស់នោះ ព្រោះថានេះជាចំណង់ចំណូលចិត្ត របស់នាងដែលនាងពេញចិត្តនឹងធ្វើវាឡើង។ ជាក់ស្តែង នៅក្នុងថ្ងៃនេះដែរ ជាថ្ងៃពិសេសថ្ងៃកំណើតរបស់កូនស្រីសំណព្វរបស់នាង នាងក៏បានធ្វើការជូនពរទៅកាន់កូនស្រី ជាមួយនឹងពាក្យពេចន៍ដ៏មានអត្ថន័យជាច្រើន មិនត្រឹមតែប៉ុណ្ណោះ នាងក៏បានដឹកដៃកូនទៅដើរលេងនៅឆ្នេសមុទ្រ យ៉ាងសប្បាយរីករាយ។ តែអ្វីដែលគួរឲ្យចាប់អារម្មណ៍ជាងនេះនោះគឺ តារារូបនេះបានដឹកដៃកូនស្រីលេងខ្លួន នៅក្នុងឈុតប៊ីគីនី ដើរលំហែកាយ បញ្ចេញសាច់យ៉ាងមួយអស់ដៃ ខណៈពេលដែរ មហាជនជាច្រើននៅតែមិនពេញចិត្តជាមួយនឹងការស្លៀកពាក់របស់នាង។ លើសពីនេះ នាងក៏មិនបានហាមឃាត់ និងមិនពេញចិត្តឲ្យកូនស្រីស្លៀកស៊ិចស៊ីនោះទេ នាងថែមទាំងបញ្ចេញសារមួយថា៖ «កូនអាចក្លាយទៅជាអ្វីគ្រប់យ៉ាងក៍បាន ឲ្យតែជួយដល់សង្គមតែសុំដាច់ខាត មិនមែនជាដង្កូវសម្រាប់ប្រទេសជាតិ ហើយក៍នឹងក្លាយទៅជាស្រីដែលស៊ិចស៊ីជាងម្ដាយ សម្រាប់ស្នងដំណែងពីម្ដាយណា (តែបើចង់ស៊ិចស៊ីចឹងទាល់តែកូនឯងឈប់បាយពីរចានម្នាក់ឯង)។ ក្រោយពីឃើញបែបនេះ ធ្វើឲ្យអ្នកគាំទ្រជាច្រើនពិតជាមានការភ្ញាក់ផ្អើលតែម្តង ដោយមិននឹកស្មានថា នាងក៏ចូលចិត្តឲ្យកូនស្រីរបស់ខ្លួនស៊ិចស៊ីបែបនេះដែរ៕ សូមទស្សនារូបភាព និងវីដេអូខាងក្រោមនេះ៖